“Almal moet gerook raak” sê Johannes Kerkorrel. Aaron Massey van Pizza-Hut het ook so gedink en as jy jou daaglikse rondkyk-twak wou koop hoef jy net deur die ‘drive-thru’ gery het. Tot die polisie daai kak gestop het. Dit was natuurlik moerse gerieflik vir die plaaslike rokers en ek is seker hy het meer pizzas verkoop want as jy die munchies kry is daar nie keer aan nie. So hoor ek in elk geval.

Ek wonder of jy gevra het vir “ekstra, ekstra origanum” en jou oë so bietjie groter gerek het as jy dit sê?

Ek is tog van die opinie dat ‘n ou dit nie moet doen nie. Want waar trek jy nou die lyn? “Ek sal ‘n large McFeast meal en die small McMariuana vat asseblief”. “Gee my die Streetwise two, ‘n Tik lollie en ‘n Coke, nee, nie die Coca-Cola nie COKE!”

Nee wat, as jy faktap genoeg is om dwelms te gebruik verdien jy om in die donker stegies van Sodom rond te sluip op soek na jou handelaar en moontlik ‘n lelike bende verkragting. Die take-away plekke is vir ons ordentlike ouens, voetsek!

Ek was baie trots op my kakpraat vaardighede tot vanoggend. Maar, ek is ‘n goeie verloorder en ek weet as ek in die grond in getrap is. My ribbes is nou nog seer. Truman Prince is die meester, ek is net ‘n student in hierdie antieke gevegkuns genaamd kakpraat. Truman Prince is ‘n swart belt. As kakpraat rys was, was hy Viëtnam. As kakpraat gay mans was, was hy Kaapstad!

Hy sê: “It’s payback time in South Africa. The rich white people can’t keep on winning the race because you can’t trust white people — they lie.”

En dan sê hy ook hoeveel hy soos Abraham Lincoln is: “His is the story of a man who refused to give up — who turned trial into triumph. So have I. We must roll up our sleeves to better the circumstances of our people,”

Net so oomblik asseblief…. Laas keer toe ek gekyk het was Abe redelik wit gewees. Ek is amper seker hy was, want almal sê Barack Obama sal die eerste swart Amerikaanse president wees. Ek dink tegnies verkies hulle ‘African American’ maar ek is nie meer seker nie.

Nou is die vraag natuurlik, ek weet julle dink dit, wie gaan vir arme Truman sê? Hy gaan ‘n fokken oorval kry as hy hoor Abe was wit. Sê nou maar hy bars ‘n aar in sy kop en ………………….. het iemand sy nommer vir my? Dit is ‘n kak job maar iemand moet dit doen. As een van julle selfsugtige bliksems hom eerste vertel neem net ‘n foto van sy gesig of neem darem die oproep op op band. Asseblief?

Miskien weet Truman iets wat ons nie weet nie. Was Abraham Lincoln dalk nie so kaukasiër soos ons dink nie? In daai geval wie gaan vir arme Barack Obama sê hy kan dalk die tweede ‘African American’ president wees?

Shame, daar is net nie ‘n goeie manier vir die een om te eindig nie. Iemand gaan seerkry kêrels, iemand gaan seerkry.

Hoekom is ouens so bliksems bang vir gay mans? Selfs die pêre hierbo lyk nie baie gevaarlik nie. Ek gaan nie saam met hulle gesuip raak en uitpaas nie, maar as jy nou moet eerlik wees, daar is genoeg gewillige ouens dat jou average gay ou darem die bodem van die emmer gaan skraap as hy jou probeer raps.

Jerry Seinfeld sê dit is omdat mans weet hulle ‘sales resistance’ is moer laag. Voor jy jou oë kan uitvee stap jy by die Randse Skou uit met meer kak as wat jou garage kan vat of wat Cash Converters vir jou kan ‘convert’. Sê nou mar jy stap in by die gay stalletjie en as jy jou weer kry stap jy met Barry die bodybuilder aan jou hand rond en jy weet nie hoe om jou vrou te vertel nie?

Hy kan dalk ‘n punt beet hê, ou Jerry bedoel ek, nie Barry nie. Dit is nie asof ek daagliks lastig geval word deur ouens met kort broekies, boots en geknoopte t-hemde nie. Die gay ouens wat ek ken is moerse ordentlik en lyk heelwat beter as ek. So weer die vraag, hoekom homofobies? Ja ek weet die Bybel sê dit is sonde maar jy vermy nie die alkoholis oom (wat ons almal het) of die gewetenlose bliksem wat op ‘n Sondag werk nie.

Dalk is die grootste homophobes tussen ons ouens wat weet hulle is so naby aan ingee tot die verkoopsdruk dat hulle die verkoopsman ten alle koste probeer vermy!

Daar is een toets wat vir jou met 100% sekerheid kan sê of jy ‘n closet homo is: Kan jy ‘n piesang voor ander mans eet sonder om te bloos?

Ek hoop jy kan nog jou piesang in die openbaar geniet. Ons straight ouens raak skaars.

Het jy regtig so kak job soos jy dink jy het?

Jy kon vark breine met hoë druk lug uitgespuit het. Daar is geen mooi manier om daai een te stel nie. Dank jou sterre elke dag dat jou baas jou kak gee oor internet pornografie. Wees dankbaar dat jy so wit soos ‘n maaier is en jou oë knip, knip in die son omdat jy nooit uitkom voor dit donker is nie.

Die arme bliksems wat daai job het in die VSA is besig om siek te raak van die stukkies vark brein wat hulle ingeasem het. Waddefok?

Trotseer jou baas se knoffel asem vandag en gaan gee die ou moer ‘n soen op sy bles. Dan sê jy iets soos “Dankie dat ek nie vark breine hoef uit te blaas met hoë druk lug nie”. Hy gaan nie weet waarvan jy praat nie, en ek kan jou ‘n brief gee, hy gaan fokken versigtig wees vir jou psigopatiese gat.