Ek lees nou net dat Bob ‘Some-of-my-best-friends-are-black’ Mugabe ‘n spesiale hospitaal saal het vir sy beseerde politieke vyande waar hulle dan goed soos pyn verdowing en bedpanne geweier word.

As die lewe jou onder kry en jou ernstig neerslagtig maak, dink aan die volgende: Robert Mugabe, gaan sit op ‘n warm dag, heeltemal kaalgat, per ongeluk op ‘n toffie-appel op ‘n wol kombers en verloor elke laaste holhaar een vir een soos hy probeer opstaan.

In die Blou Bulle, Sharks game het die TV ref 30 minute geneem om ‘n verskeidenheid onnodige beslissings te maak. Nou’s almal kwaad vir die TV ref, of vir die skeidsregter.

Ek vermoed die spelers het agter gekom dat Fortuin enige stront na die TMO verwys en begin om kak op te maak sodat hulle so bietjie kan asem skep. “Haai ref, daai Albert van den Berg het in die lynstaan vir my sy voël gewys en gesê ‘Jy is volgende pellie’, met so gemene kyk in sy oë, kan jy nie gou check met die tv ref nie?”.

Hulle het altesaam 30 minute se ekstra rustyd by gekry! Moenie vir my sê rugby spelers is dom nie hoor. Hulle het gou agtergekom dat Fortuin vir die TMO sal vra of hy sy sokkies mag optrek as hy kon, en ordentlik misbruik gemaak van die situasie.

Gaan kyk vinnig want hulle gaan dit afhaal. Hulle moenie, want dit is waar, maar hulle gaan.

Wikipedia, en ons weet als in Wikipedia is waar, sê ook dat Stuart Dickinson blind en bevooroordeeld is.

Ons het dit al lank geweet maar nou kan ons dit uit ‘n ensiklopedie aanhaal.

Ek het sopas ‘n artikel gelees oor ‘n staat in Amerika se vuurwapen wet wat gewysig gaan word.

Een van die regters het toe statistiek aangehaal wat sê dat meer as helfte van vuurwapen verwante sterftes selfmoord is. Ek kan nie onthou of hy vir of teen die ding was nie, dit is in elk geval irrelevant. Wat my wel by gebly het was dat iemand gesê het dat die feit dat jy ‘n vuurwapen in die huis het die kanse op ‘n selfmoord in jou huis baie verhoog het.

Nou het ek gewonder, is daar nie ‘n manier om selfmoord onder kriminele te bevorder nie?

Dink net aan die geld wat gespaar sal word as die bliksems hulself sommer begin van die gras af maak. Dink aan die onskuldige polisiemanne se lewens wat ons sal spaar en die howe wat reeds te besig is wat nie ‘n dooie ou hoef te verhoor nie.

Ek is nie ‘n sielkundige nie, maar dit moet moontlik wees om ‘n moerse depressiewe advertensie veldtog van stapel te stuur wat wys hoe uiters kak die lewe van ‘n misdadiger is.

Op Jakaranda sal dit so klink:

Rower 1: “Haai Floors, hoekom lyk jy so af?”

Rower 2: “Aag ek weet nie of ek meer wil leef nie Sipho, die lewe van ‘n misdadiger is so uiters kak”.

Rower 1: “Ek weet, terwyl ek verhoorafwagtend was het die ander fokkers my so gesodomiseer dat ek nie meer weet hoe om te sit nie”.

Rower 2: “Ja, en dan is daar al die blerrie omkoopgeld wat ek moet betaal uit my hard verdiende …….. ek bedoel …….. hard geroofde geld”.

Rower 1: “Weet jy Floors ek voel lus en gooi myself van die boonste verdieping van die 224 af”

Rower 2: “WAAR is die 224?”

Ons kan die befondsing kry uit donasies, ek weet ek sou eerder geld in daai gooi as om een van die straat bedelaars se volgende bottel te koop.

Selfmoord cartoon.