My pa het gesê julle moet met my speel! Hy sê ek kan speel en as hy so sê dan is dit so want my pa is ‘n held. As julle nie saam met my wil speel of eet of stort nie dan gan ek OP MY TRUI KOTS! WHAAAAAAAH!

I don’t hate Afrikaners, says angry Watson.

Luke se pa se opinie.

“Ek wil opgooi op my trui”.

Daai glimlag het my nog nooit gebol nie. Die man is ‘n psigopaat en hoort in die tjoekie.

Ek hoop nie dit is net ek wat hierdie foto so bliksems snaaks gevind het nie. Ek sit en giggel al vir 5 minute soos ‘n skoolmeisie.

Ek het die foto op hierdie absurde site gekry: http://yourargumentisinvalid.com/

Sulke vreemde, regterbrein humor is altyd verfrissend.

Nog een vir lekker giggel is die Something Awful Forums. Die ‘Fun Adventures in Racism’ een is my persoonlike gunsteling*, loer ook na Photoshop Phriday.

*”My uncle on my Dad’s side just recently got the Internet. I was talking to my Dad the other day and he told me my uncle finally found proof that “Asians have no souls”. I didn’t really know what to say”.

Toe ‘n regter Thabo Mbeki daarvan beskuldig het dat hy ingemeng het in Jacob Zuma se vervolging, het al die pro-Zuma ouens met skuim om hul monde geskree “Vat hom weg! FIRE hom! Ons kan onmoontlik nie wag vir 6 maande nie!”

Nou dat daar sprake is van ‘n wegbreek party sê presies dieselfde ouens “Ons moet nie oorhaastig wees nie. Hierdie tipe ding moet goed deurdink word. Ons soek kalmte, en oorhaastigheid sal ‘n fout wees”.

Ek het gister met ‘n groep meisies gesels en op ‘n manier begin ons oor Steve Hofmeyr praat. Ek sê toe hoe irriteer daai Pampoen song my. Ek het darem bygelas ek weet dat ek die enigste Afrikaanssprekende is wat dink die liedjie blaas, groot tyd.

Hulle almal se konsensus was, “Jy is net jaloers”. Ek het natuurlik geantwoord met “WAT?! Jaloers op Steve Hofmeyr?”

Maar ek het nou lank daaroor gedink en hulle mag dalk reg wees. Hier is ‘n ou wat baie ouens se droom lewe lei, met roem en ‘n vreesaanjaende hoeveelheid onbeskermde seks (alhoewel hy sê hy is nou klaar met dit). Hy het al ernstig kak aangejaag soos jy blykbaar nou kan lees in sy outobiografie. Hy het nie VIGS nie, sy vrou het hom nie gelos nie (al was dit amper amper) en as jy iets verkeerd van hom sê voor ‘n groep meisies dink hulle jy is die vark in die verhaal.

Miskien is ek so bietjie jaloers. Ek sal net so 15% van die kak wil aanjaag wat hy het en met soveel styl wegkom daarmee.

Daai boek gaan bliksems baie kopieë verkoop.

Ek raak so geïrriteerd met mense wat snobs is oor die kits koffie wat hulle drink. “O nee, net Nescafe Select Super Deep Roasted Platinum Edition vir my dankie”.

As jy regtig so fynproewer was sou jy besef het dat net gefiltreerde koffie of espresso kan klassifiseer as koffie. Die hele idee van kits koffie is dat jy iets wat amper soos regte koffie proe kan maak binne ‘n minuut. As dit regtig so asemrowend was sou koffie winkels mos lankal al net poeier gebruik het?

Dit is soos om te sê jy is ‘n sportmotor entoesias en dat jou ge-dropte Opel Astra met die turbo in al is waarin jy gesien sal word. Daar is niks fout met jou kar nie, en hy kan dalk ‘n M3 laat lyk of hy parkering soek, maar jy moet tog weet van Lamborghini, Ferrari, Aston Martin en Spyker? Ja, daar is regtig ‘n Spyker.

So, ek sê nie daar is fout met kits koffie nie, ek drink self baie daarvan, maar ek gaan my lyf nie fynproewer hou omdat ek net Jacob’s se R300 ‘n bottel Extra Superior Diamond Moroccan Full Roasted With a Cherry on Top drink, wat kakkerig proe na ‘n koppie regte espresso nie.