Sien asb die ernstige post oor anoreksie
Dit is vir my interessant dat daar waarskuwings op amper alles is deesdae. Die eerste 2 of 3 bladsye van ‘n produk se handleiding is waarskuwings. Moenie in die bad jou hare droog blaas nie, moenie jou groot skerm plasma TV buite langs die braai installeer nie, moenie die stofsuier gebruik in plaas van orale seks nie. Goed soos sigarette mag nie eers verkoop word sonder om aan te dui dat jy kanker, hartskade, longkwale, voetskimmel en vigs kan kry nie.

Ek dink natuurlik dat hulle die menslike ‘gene pool’ groot skade berokken met die waarskuwings. Die ou wat dom genoeg is om ‘n haardroër in die bad te gebruik, is dalk iemand wat verwyder moet word voordat hy kan aanteel.
Ek is nie ‘n profeet nie maar ek sê jou nou een ding, dit is maksimum 5 jaar voor die Amerikaners gaan begin om waarskuwings op McDonald’s en KFC’s te sit. ‘n Hoë kalorie dieet op ‘n lae kalorie leefstyl maak jou vet.
Ek dink darem nie hulle sal so vêr gaan om jou weg te moet wys of verban nie. Maar dink net hoe snaaks sal dit wees om al daai oorgewig mense buite die McDonalds te sien rondhang, na hulle verban is omdat hulle BMI volgens wet te hoog is, en vir vreemdelinge ‘n paar rand in die hand stop en vra om iets uit te bring. “Ag Jirre meneer, asseblief, ek is van Rustenburg af en my kar staan net hier om die hoek. Asseblief meneer, hier is R100, as jy net 4 big Macs ‘n large Coke en supersize chips kan uitbring”

Sien asb die ernstige post oor anoreksie

Ek het iets snaaks agter gekom. As enigiemand ‘n probleem het met, byvoorbeeld, sy drein, sal niemand snaaks dink as hy ‘n loodgieter bel nie. Sommige mense is glad trots op hul spesifieke tekortkominge. Gereeld hoor jy “Nee wat, wat ek weet van naaldwerk is gevaarlik” of “Ek kan nie eers ‘n stokmannetjie teken nie”. Sommige mense voel tot gemaklik om ander mense se swakhede uit te wys “My vrou sou nie kon kook teen gunpoint nie”.
Die snaakse ding wat ek agtergekom het is dat mense al hierdie dinge kan erken van hulself maar dat amper almal, as hulle hard moet dink, en absoluut eerlik moet wees, uitstekende ouers is. Daai ou met die kleuter wat soos ‘n apie aan die bank se tou afskortings swaai, vir almal sy half geknaagde tjoklit in sy mond wys en vingerverf met die tjoklit teen die teller se ruit? Hy glo dat hy net ‘n baie unieke kleuter gekry het, en dat jy presies dieselfde gedrag uit hom sou kry as dit jou bondeltjie satansaad was. Die feit dat hy sy klein stront met groot sorg en deursettingsvermoë geleer het dat nee nie nee is nie, en dat ‘n vloermoer, met genoeg vindingrykheid en intensiteit, enige ‘nee’ in ‘n ‘ja’ kan verander, het niks daarmee uit te waai nie. Sy klein derde wêreld oorlog in ‘n spiderman hemp het lankal geleer dat, met ‘n bietjie moeite en sorg, hy enigiets kan kry. As hy bv. een van die versoekings-rakkies langs die winkel se kassiere kan omtrek sal Pa selfs daai mislikke ou tannie se kostelike Chihuahua by haar afvat sodat hulle hom kan huis toe vat. Hulle leer ook vinnig die eerste wet van die Vloermoer Relatiwiteits Teorie nl. Die onmiddelike effek, op ‘n ouer, van ‘n vloermoer sal direk proporsioneel wees aan die hoeveelheid omstanders.
Met ander woorde, pa sal so skaam kry dat hy enigiets sal doen om my stil te kry.
Ek het nie ‘n oplossing hiervoor nie, maar ek het iets wat ek doen om my beter te laat voel. Ek het al my doodskyk verfyn tot ‘n kuns. Sodra die pa wegkyk, gluur ek die klein kak aan asof ek die duiwel self is. ‘n Ligte glimlag, sonder oë wat saam lag (dink Anthony Hopkins in Silence of the lambs) werk uitstekend. Dit is al hoe ek uit die tronk en koerante uitbly. MAN RAND PA EN SEUN AAN IN BANK TERWYL OMSTANDERS JUIG!

Ek het geen geheim daarvan gemaak dat ek gedink het Barack Obama kan nie wen nie. Soos die res van die wêreld het ek Amerikaners leer ken van ‘Jerry Springer’, ‘The Amazing Race’ (Nie ‘n vêr regse, neo-nazi TV program soos die naam suggereer nie) en ‘Survivor’. Ek het met die min informasie tot my beskikking gedink alle Amerikaners is so bietjie naïef en baie oningelig.

Ek het ook ‘n artikel gelees in die Sunday Times wat gesê het dat Obama ondersteuners in Amerika se ‘Bible belt’ se gras uitgespin was en slagspreuke op hulle mure geverf is.

Nou moet ek om verskoning vra, nie dat een van die oningeligte bliksems weet wat Afrikaans is nie, want hulle het ‘n ’swart’ president verkies! Ek sit swart in aanhalingstekens want hy is tegnies nie swart genoeg om in Suid Afrika te klassifiseer vir swart nie.

Ek dink dit is regtig ‘n moerse stap vir Amerika, dit is vir my ‘n aanduiding van dinge wat verander.

Dit kan natuurlik net wees dat George W Bush soveel kak aangejaag het dat geen wit man vir die volgende 20 jaar president sal kan wees nie.

Ek dink ek word oud. Ek is ‘n groot Led Zeppelin ou, selfs die nuwer harde goed is oraait, maar het jy al ooit van Anal Blast gehoor? Nee man, kak, dit is nie ek wat oud word nie, die ouens is net plein faktap.

Dit is los hande die simpelste bliksems wat ek in my lewe nog gesien het. As jy my nie glo nie, kyk bietjie hier.

Kan jy vir Niekie van den Berg van RSG hoor sê: “En dan het ons nou net geluister na Anal Blast se ‘Cunt to the throat’ van hulle nuwe album ‘Vaginal Vempyre’, daai enetjie was vir Tannie Baps van ‘Amperdaar’ tehuis in Pofadder van al die Griesels en hulle sê ‘baie geluk met ouma se 92ste verjaardag’” Ek weet Fonnie doen die verjaarsdag wense maar miskien moet jy eerder ‘n dokumentêre blog uitsoek as dit jou pla.

Ek het so half geglo hulle probeer snaaks wees maar hulle het darem al baie moeite gedoen vir so kak grap. Op die tuisblad sê hulle wel “Have some Humor”, so ek mag dalk net die hele ding verkeerd verstaan.