Ek praat nou van die vliegtuig wat meesterlik in die Hudson rivier ‘geland‘ is.

Hier is hulle nou besig om die ding uit die rivier te probeer haal.

Ek het ‘n probleem met die volgende stelling in daai tweede artikel:

“He was widely praised for his skill in bringing down the stricken plane after both engines failed when birds apparently flew into them”.

As jy daai lyn lees, klink dit amper of gewetenlose, Al-Qaeda selfmoord voëls (cruising spoed 60km/h) ‘n passasiers vliegtuig (cruising spoed 800 km/h en op) uitgesoek het en in sy enjins ingevlieg het.

Dit is ‘n onverantwoordelike ding om te doen, want ons almal weet wat met Irak gebeur het na die VSA aangeval is, en hulle was nie eers betrokke nie. Hulle enigste fout was die hoeveelheid olie waarmee hulle ‘geseën’ is. Gelukkig is George W Bush oppad uit want hy sou seker graag een of ander voëlpark in Alaska in sy moer in wou blaas.

Ek het lank terug ‘n kamer met so paar ouens van Carltonville af gedeel(Dit is ‘n lang storie). As daai ouens ‘n goeie maatstaf was vir die res van Carltonville, is Carltonville die Skurf hoofstad van Suid Afrika. Daai ouens was MOER skurf. ‘n Goeie voorbeeld van hoe skurf hulle was, is toe Jan, wat altyd met sy een hand in sy kortbroek rondgeloop het, met so vêr-weg kyk in sy oë, vir niemand spesifiek nie, gesê het “Juslaaik, ‘n tos sal nou lekker afgan”.

By daai Carltonville ouens het ek die eerste keer die woord ‘skrop’ gehoor. Soos “Toe skrop ek haar en haar ma sommer die selfde aand” (Daai sin was regtig gebruik).

Wat my laat dink het ‘Skrop’ is net as twee skurwe mense seks het, of die meisie is nog nie 16 nie, of ‘n ander onsedelikheid.

‘n Ander gunsteling is ‘Naai’. Mooi mense kan nie naai nie. Lelike ouens, in adidas sweetpakke (die oues met die strepies langs die kante, in rooi, of blou) met bles koppe, snorre en aviator brille………hulle kan ‘naai’.

Spyker het ‘n besliste stoute element aan hom. Jy spyker nie jou vrou van 15 jaar nie. Julle ‘Maak Liefde’ of ‘Verkeer Intiem’, nee, ‘Spyker’ word gereserveer vir girlfriends en ‘one night stands’.

‘Raps’ het ook so stoute gevoel aan hom, maar jy kan jou vrou raps. Dit is dan so skelm enetjie in aantrek kamers of iets.

Daar is dan natuurlik ‘steek’, ‘sweis’, ‘pangelang’ en nog ‘n klomp ander.

‘n Ander een wat die laaities op koshuis gebruik het was ‘Hollie’. Soos in “Fanie sê Sean is ‘n moffie en dat hy vir Gysie ge-hollie het agter die fietsloots”. ‘Hollie’ klink eintlik heel onskuldig en pret. Soos ‘Hollie die Nar’ of ‘Hollie die vriendelike Hamster’ of so iets.

Ek het lank terug gehoor dat hoe belangriker iets is in ‘n kultuur, hoe meer woorde is daar vir daardie ding. Dink net aan al die name vir masturbeer(skommel, draadtrek, tos, kierie kap, jou dolfyn waks…….) en al die name vir ‘n drankie (knertsie, dop, lange, lang koue een, ietsie kouds, brannas ens) en ook al die name vir borste (boobs, tiete, kanne, pramme, lelle, moemfies….).

Hoekom is dit net mans wat met hierdie kak opkom? Ek weet nie van vrouens wat soveel name het vir goed nie.

Ek is gister in een van hierdie rekenaar winkeltjies in op soek na Micro SD vir my nuwe foon. Ek sien toe agter die toonbank hang daar so paar maar teen buitensporige pryse. Ek vra toe vir ‘n ou agter ‘n rekenaar, “Hoor hier, die pryse van julle Micro SD is bietjie rof? Is dit al wat julle het?” Ek wou sê “Julle pryse is bliksems belaglik, rook julle julle sokkies?” of “Word julle hier gevange gehou en julle het 5 jaar laas kontak met die buitewêreld gehad?”

Die ou, wat redelik gay is, antwoord toe so bietjie ‘huffy’ “Wat bedoel jy rof?”, waarop ek toe antwoord “Ek kan dan 2 gig Micro SD kry vir R149, julle s’n is R299″ (Net om te wys ek jok nie). Waarop hy antwoord “Watter maak is dit?”. Ek sê toe die spesifieke een se maak is Lexar, waarop hy sy gesig so optrek asof hy ‘n dooie kat in ‘n Baghdad rioolpyp ruik, en sê “Lexar? Wel dit is seker dan hoekom dit so goedkoop is”. (Net om te wys hoe deur die kak hy is).

Die klein plekkies se pryse is gewoonlik goed, rekenaarwinkels het ‘n baie klein winsgrens. Dit pla my dat hierdie werknemer nie my ‘heads-up’ kop toe gevat het nie, en dat dit net regtig onnosele ouens is wat by hom Micro SD gaan koop. Hy het nie eers probeer afslag gee nie, hy het nie eers gewonder of hulle dalk deur hulle verskaffer deur die ore gewerk is nie, hy het my net laat voel soos ‘n kommin kansvatter. Sies.

Trilwillem het vir my hierdie foto aangestuur. Ongelukkig het hy net sy selfoon gehad, maar die idee is daar. Dit is vir ‘n produk met die naam ‘Solalaphi Booster’, en met die produk sal jy jou bed breek so verskriklik sal jy kan spyker. Kyk, hulle wys tot vir jou die gebreekte bed en ‘n vurige omhelsing (soos aangedui deur die hartjies). Dit is ongelukkig net illustrasies, ‘n foto sou natuurlik meer geloofwaardigheid gehad het.

Maar die ding sit my toe aan die dink aan al die kak wat mense glo omdat iemand wat geloofwaardig lyk dit sê, of omdat die verpakking mooi is.

Kak soos Pro-Retinol-A, dit is Vitamien A. Maar omdat hulle dit ‘n cool naam gee, klink dit moerse smaart. Rice Crispies het fokken vitamien A in, demmit.

Mense val ook vir kak soos ‘Dermatologically tested’, dit kan enigiets beteken, hulle kan dit op vel getoets het, met ander woorde, smeer vir die bediende, Martha, so bietjie aan, en vra vir Martha of sy jonger voel en enige uitslag en/of jeukerigheid ontwikkel het.

Die ander ding wat mense altyd voor val is ’100% Natural’. “Dit kan nie skadelik wees nie, dit is heeltemal natuurlik”. Jy bedoel 100% natuurlik soos slang gif, tabak en beeskak?

‘Natuurlik Vetvry’ is nog’n populêre een, ‘Natuurlik Vetvry Maar Gelaai met Suiker, Preserveermiddels en Kleurstowwe’ is vir een of ander rede minder populêr.

Wat my goed die bliksem in maak, is die maatskappye wat op jou skuldgevoelens ry om geld te maak. Hulle doen dit baie vir produkte wat met kinders te doen het. Ek het lank terug ‘n tydskrif advertensie vir matte gesien waar die kinders lê en speel op die mat, met ‘n onderskrif in die lyn van “If you care about their future, you’ll give them every opportunity to play for as long as possible”. Hoe de bliksem maak dit jou ‘n beter ouer as jy sagter matte in jou huis sit? Hulle probeer dieselfde kak met yoghurt, chips en speelgoed.

Moet nou nie stupid wees nie, die mense wil geld maak. Die advertensies word deur advertensie maatskappye gemaak wat nie ‘n dooie donder oor jou of jou kinders omgee nie. Hulle wil hê jy moet die produk koop en as hulle jou moet laat skuldig, dom, belangrik of agter-die-tyd moet laat voel om dit te koop sal hulle.

Nou die dag, toe ek op pad see toe bestuur het, het ek my gedagtes so bietjie laat vaar, soos mens maar doen op ‘n lang pad, en ek met ‘n nuwe woord vorendag gekom.

As jy ooit Deuce Bigalow gekyk het, sal jy onthou dat hulle na die manlike geslagsdeel verwys het as ‘Mangina’. Soos in ‘Vagina’ en ‘Man’ gemeng. Pleks van net ‘Penis’ sê. Dit was vir my snaaks en ek het skielik die woord ‘Mantenna’ in my kop gekry. Soos ‘antenna’, en ‘man’, gemeng. Daar sit ek toe in die kar en glimlag van oor tot oor soos die dorp-idioot by ‘n kerkbasaar.

Ek kry net nie die bliksemse woord uit my kop uit nie. Ek hou aan dink aan plekke om dit te gebruik. My gunsteling is om my stem so bietjie dieper en dromerig te maak (dink Fonnie van RSG) en dan te sê “O ja, sy saai uit………. en ek tel haar hard en duidelik op, op my mantenna”.

Die tannie hierbo saai byvoorbeeld uit op ‘n heel ander frekwensie, een wat my mantenna net nie by kan uitkom nie.

Nou weet jy ook van Mantenna, gebruik hom, ek het geen kopiereg op hom nie.