Toe ‘n regter Thabo Mbeki daarvan beskuldig het dat hy ingemeng het in Jacob Zuma se vervolging, het al die pro-Zuma ouens met skuim om hul monde geskree “Vat hom weg! FIRE hom! Ons kan onmoontlik nie wag vir 6 maande nie!”

Nou dat daar sprake is van ‘n wegbreek party sê presies dieselfde ouens “Ons moet nie oorhaastig wees nie. Hierdie tipe ding moet goed deurdink word. Ons soek kalmte, en oorhaastigheid sal ‘n fout wees”.

Toe arme oom Jacob Zuma deur Thabo Mbeki in die pad gesteek is, het al sy tjomme heeltemal Afghan gegaan. “Hy is nie eers direk betrokke by die Shabir Shaik hofsaak nie!” het hulle geskree. “Hy word net ge-blerrie-noem” het hulle gepleit “dit is nie dieselfde as skuldig nie!”.

Thabo is nou in die pad gesteek (en sommer deur die ore ook) omdat hy genoem word in ‘n hof uitspraak waarby hy nie direk betrokke is nie.

As McDonald’s aan my ‘n kakkerige burger verkoop, of as Windows XP my meer kak gee as wat hy werd is, is my reaksie om vir enigeen wat wil luister te sê ek gaan na die kompetisie toe, Steers kry van nou af my geld, en ek gaan leer om Linux te gebruik. Dit is die enigste manier wat ek hulle op my klein, en, om eerlik te wees, nietige manier kan seer maak.

Die beste voorbeeld van hoekom die ANC nooit sal verloor nie is Khutsong. Daai mense was so absoluut die bliksem in vir die ANC (einlik die regering, maar vir daai kiesers is dit dieselfde ding) dat hulle karre gebrand, paaie geblokkeer en klippe gegooi het. Hulle was behoorlik gatvol. Ek was nog nooit so die donder in vir enige instansie nie.

Wat is die enigste manier om ‘n politieke party seer te maak? Stemme, en almal weet dit. Kan jy dink hoe die DA hulle broeke sou natmaak van opgewondenheid as al Khutsong se kiesers besluit het ‘Ons gaan iemand anders probeer’? Hulle sal toilets insit en huise bou asof hulle lewens daarvan afhang!

Khutsong se kiesers, al was hulle absoluut befok vir die ANC, het besluit om die verkiesings te boikot. Hulle is so gekant teen enige ander party dat hulle eerder duur petrol mors op tyres brand as om net ‘n kruisie twee of drie blokkies af of op te trek.

Dit is lojaliteit! En dit lyk of dit gewerk het, want hulle gaan nou dalk hulle sin kry.

Gert Lombaard, oud-rekenaarkundige van die voormalige regering se gevreesde veiligheidstak en later vryskut rekenaarkundige vir die Boeremag, het nou sy talente begin inspan in die geveg teen gemors e-pos of ’spam’.

Gert is vrygespreek van enige boos doening tydens die destydse vryheids en versoenings kommissie na dit aan die lig gekom het dat die chaos in die toe-onwettige ANC se kommunikasie sisteem nie as gevolg van sy toedoen was nie maar as gevolg van onkunde. Selfs met sy vryskut werk vir die Boeremag het hy tegnies bedrog gepleeg deur te maak of hy die nuwe demokratiese regering se informasie sisteem moedswillig gesaboteer het. “Nee, daar was beslis niks wat ek kon doen om dit te vererger nie” sê Gert, “Hulle het hom heeltemal self tot op sy knieë gebring”. “Ek het maar heeldag ‘porn’ ge-surf”.

Nou het Gert ‘n nuwe blaadjie omgeslaan en gebruik sy talente om mense wat gemors e-pos aanstuur te kelder. Hy het dit reggekry om met ‘n baie gesofistikeerde metode, wat hy nog wil patenteer, die ’spammer’ se e-pos adres en soms fisiese adres in die hande te kry en op subtiele maniere te laat verskyn op sterk anti-Amerikaanse, pro-terroris en Taliban webtuistes. Sommige van die ’spammers’ is al deur die CIA en Amerikaanse weermag opgetel en eers na ‘n vernederende martel sessie vrygelaat.

“Toe ek op een dag 23 e-mails kry wat vir my vertel ek het ‘n klein peestertjie en dat ek Viagra nodig het om my meisie te bevredig het ek besluit genoeg is genoeg, en ‘n plan begin beraam om die f*kkers terug te kry”.