Sê nou maar jy het jou kar as gesteel aangemeld by die polisie, omdat hy gesteel is en nie omdat jy dronk bestuur het en die kar van die pad af gejaag het in ‘n boom in nie. Veronderstel ook dat die polisie jou bel om jou mee te deel dat hulle jou kar gekry het en jy moet inkom, nie om hom uit te ken nie maar om met die skelm te onderhandel oor die wiele en die deure want hy voel geregtig om darem iets uit die hele ervaring uit te kry.

Ek weet nie want jou nie, maar ek sal daai polisieman en die skelm in hulle moere in stuur en daarop aandring om met iemand te praat wat nie op sterk dwelms of medikasie is nie.

Snaaks dat so baie mense dit van Mnr. Tsvangirai verwag. Bob Mugabe het volgens amper almal, wat nie Zanu PF is nie, daai verkiesing gesteel. Dit moet bliksems moeilik wees om te onderhandel uit daai posisie uit.

Ek lees nou net dat Bob ‘Some-of-my-best-friends-are-black’ Mugabe ‘n spesiale hospitaal saal het vir sy beseerde politieke vyande waar hulle dan goed soos pyn verdowing en bedpanne geweier word.

As die lewe jou onder kry en jou ernstig neerslagtig maak, dink aan die volgende: Robert Mugabe, gaan sit op ‘n warm dag, heeltemal kaalgat, per ongeluk op ‘n toffie-appel op ‘n wol kombers en verloor elke laaste holhaar een vir een soos hy probeer opstaan.

Uiteindelik het Pres Thabo ‘I can’t comment on that’ Mbeki ‘n harde lyn teen sy vriend en kameraad, Bob Mugabe ingeneem.

Hy is aangehaal deur SAPA nuus agentskap om te sê: “I would hope that that leadership would still be open to a process which would result in them coming to some agreement about what happens to their country,”

Wel daar het jy dit nou Bob Mugabe! Kry vir jou! Ons president is uiteindelik afgepis. Ons het almal geweet jou veldtog van geweld en minagting van die demokratiese proses kan nie lank hou nie. Doos!

Hierdie foto sou so paar jaar terug meer indrukwekkend gewees het. Die dag wat hulle by die grootte van ‘n Nokia 2110 met ‘extended’ battery kom is die dag wat ek begin bekommerd raak.

Ek hou nogal van WikiHow. Dit is die moeder van alle ‘how to’ boeke en jy kan enigiets daarop kry. Hulle gaan nie in baie groot detail in nie maar dit gee jou oulike idees, veral as jy kinders besig hou.

Maar elke nou en dan kry jy iemand wat regtig iets baie onnosel opsit. Soos die een.

Wie op aarde sou belangstel daarin om ‘n onderstebo kakkerlak dood te maak? Hoekom onderstebo? Hoekom een op ‘n slag? As ek dink aan kakkerlakke dan dink ek meer in die lyn van Bob Mugabe, ek wil honderde doodmaak. Ek sal selfs Pol Pot trek op hulle en miljoene afmaai! (Tussen 750 000 en 1.7 miljoen om presies te wees)

Ek haat kakkerlakke maar ek dink hierdie arme weerman (weermoffie as jy nie polities korrek wil wees nie) het beslis ‘n groter haat vir die bliksems as ek.

Daar was ‘n sekere sersant wat eendag vir my peloton gegil het:”Die plek is so fokken sif die kakkerlakke dra gumboots en overalls!”