Ek is mal oor vleis braai. Een van my gunsteling dinge by ‘n braai is ‘n geroosterde kaas en uie broodjie. Ek sien braai amper as ‘n verskoning om kaas en uie broodjies te maak. So bietjie peper en stadig gebraai tot die kaas begin smelt, en ek sal my ouma verkoop as ‘n seks slaaf.

Jy sal dalk agter gekom het ek sê ‘kaas en uie broodjie’ en nie ‘kaas, tamatie en uie broodjie’ nie. Dit is omdat rou tamatie reguit uit die hel is. Ek kan dit nie in my keel afkry nie.

Ek vat nou lank om tot die punt te kom, maar dit is belangrik dat jy besef 1. Ek is MAL oor kaas en uie broodjies en 2. Ek dink tamatie buk vir Bob Mugabe.

Ek is altyd baie puntenerig oor die broodjies en hou altyd aan sê ‘Kyk uit vir broodjies sonder tamatie, hulle is myne’.

Nou kan jy jou dalk die moorddadige, jou-dooie-bliksem! gedagtes indink wat deur my kop gaan as ek iemand hoor sê, nadat ons opgeskep het “Aag nee, myne het nie tamatie op nie. Aag wat ek sal hom nou maar eet”.

Daar is altyd so penis in iemand se lewe. Dit is dieselfde tipe van selfsugtige, onoplettende fokker wat voor jou in die buffet (hetsy troue, restaurant of funksie) ry by die slaai uitkom en ewe selfvoldaan sê “Oe! Ek is MAL oor feta kaas!” terwyl hy die laaste stukkie feta kaas uit die slaaibak uitsoek en daar so hoop in sy bord is. As ek nie so ordentlik was nie sou ek gegil het “Almal is fokken mal oor feta jou dom drol, en almal weet almal is fokken mal oor feta, dit is hoekom hulle die ordentlikheid het om nie alles te vat soos jy nie!”

Ek hoop die regter verstaan eendag as ek van moord aangekla word as ek daai slaailepel gebruik om een van die gewetenlose bliksems se hart uit te grawe.

Waddefok vang die pêrre in Uruguay nou aan?

Jy sien, ek was altyd van mening dat ons Suid-Afrikaners mos ‘n braai kan gooi. Lekker dop in die hand en om die vuur staan en ‘n paar choppies en steaks regkry om deur die nek te ryg. Nou sien ek dit is nou nie ‘n ordentlike braai volgens hulle nie.

Hulle vang toe sommer 12 ton se vleis, een moerse vuur (ja hulle moes die brandweer kry om te help, genuine) en begin toe gooi. Gelukkig was daar genoeg vreters wat toe tou staan om al die vleis te kou. Kyk, ek wil nou wragtig nie heeldag staan en vleis braai net om te sê ons is in die Guinness rekords nie