Julius Malema en die ANCYL glo dat dit ‘n verleentheid sou wees om ‘n president te hê wat tereg staan op aanklagte van korrupsie. Ek het nooit gedink ek sou met die kwaskop saamstem nie, maar ek doen.

Ja Julius dit sal, om dit ligtelik te stel, ‘n verleentheid wees. Amper so groot verleentheid soos om ‘n president te hê wat al aangekla was van verkragting, op ‘n lid van sy vêrlangse familie, wie HIV positief is. Amper so bliksems aarde-sluk-my-tog-net-fokken-in ‘embarrassing’ soos om ‘n president te hê wat glo ‘n lekker stort is ‘n effektiewe teenvoeter vir VIGS. Amper so ‘n verleentheid soos om ‘n president te hê wat veronderstel was om vervolg te word vir ‘n paar dosyn aanklagte van korrupsie en bedrog, maar nie is nie, omdat dit ‘n verleentheid sou wees as hy was.

Toe ‘n regter Thabo Mbeki daarvan beskuldig het dat hy ingemeng het in Jacob Zuma se vervolging, het al die pro-Zuma ouens met skuim om hul monde geskree “Vat hom weg! FIRE hom! Ons kan onmoontlik nie wag vir 6 maande nie!”

Nou dat daar sprake is van ‘n wegbreek party sê presies dieselfde ouens “Ons moet nie oorhaastig wees nie. Hierdie tipe ding moet goed deurdink word. Ons soek kalmte, en oorhaastigheid sal ‘n fout wees”.

Toe arme oom Jacob Zuma deur Thabo Mbeki in die pad gesteek is, het al sy tjomme heeltemal Afghan gegaan. “Hy is nie eers direk betrokke by die Shabir Shaik hofsaak nie!” het hulle geskree. “Hy word net ge-blerrie-noem” het hulle gepleit “dit is nie dieselfde as skuldig nie!”.

Thabo is nou in die pad gesteek (en sommer deur die ore ook) omdat hy genoem word in ‘n hof uitspraak waarby hy nie direk betrokke is nie.

Oom Jacob en sy trawante wil mos hê Zapiro moet jammer sê oor die spotprentjie wat in die Sunday Times verskyn het. Nou het hy gesê hy gaan nie jammer sê nie.

Mooi so Zapiro!

Ek dink die bietjie stadiger ouens sukkel hulle gatte af om ‘Cartoons’ te verstaan. Hulle sê byvoorbeeld hy word uitgebeeld as ‘n verkragter. As jy nou Jacob se geskiedenis ignoreer, wat flippen moeilik is, is dit mos voor die hand liggend dat geregtigheid altyd as ‘n geblinddoekte vrou uitgebeeld word. Wie de donder weet dit nie? As geregtigheid gewoonlik as ‘n panda met ‘n oogklap uitgebeeld was, sou Zapiro dit geteken het. “Hou vas daai Panda en gee my die Vaseline!”

Hy word nie as verkragter in die algemeen uitgebeeld nie, hy word uitgebeeld as iemand wat die regstelsel wil verkrag en sy tjommies help hom. Dit is toevallig presies wat ek dink.

Wat my lekker laat lag het was die volgende:

In a joint statement, the alliance said the cartoon rubbished the collective integrity of the alliance and constituted a continued violation of Zuma’s rights. They’ve recommitted themselves to defending and upholding the rule of law. The alliance added that while press freedom was a cornerstone of democracy, it should not be abused.

Defending and upholding the rule of law! HA HA HA! Hoe sê jy daai met ‘n reguit gesig as jy jou hele dag spandeer om Ou Bra Jakes uit die hof te hou, newwermaaind die tjoekie?