Ek het lekker gelag vir die Zuma kamp se reaksie op die boehaai wat Zuma se 20ste kind ontketen het.

As jy nou nie lus het om al die heen-en-weer te lees nie, was dit basies iets soos: “En!? Hy is die president, en hy is Zoeloe, wat is julle probleem? Hy kry duidelik genoeg seks, soos dit hoort, en hy is ‘n regte man met ‘n goeie stel knaters. Natuurlik gaan hy ‘n klaskamer vol kinders verwek. WDF?”

Dit was vir my ongemaklik dat ons land jaarliks, vir 16 dae lank, herhinder moet dat jy nie vrouens en kinders moet mishandel nie – dit maak nou baie meer sin. Sekere goed is net nie voor die hand liggend vir almal nie.

Die standaard van advertensies het so geval. Die idee van ‘n advertensie is om jou lus te maak om die produk te koop. Deesdae het die verbruiker soveel regte, dat dit die arme advertensie maatskappye se hande heeltemal bind. Kyk vir Nando’s, hulle maak grappies oor Joost en oor blinde mense, net om bietjie hoender te verkoop. As hulle net kon sê “Ons hoender is befok, Madiba en die Pous gaan mal vir dit!” sou hulle vir Joost en die blinde mense uitgelos het.

Die advertensie hier bo is ‘n uitstekende voorbeeld – nie net lyk daai skyf wat Kersvader vashou lekker nie, hy is ‘n lekker ou, en as Lucky Strike goed genoeg is vir hom, dan is dit goed genoeg vir my. So jy vang almal wat dink Kersvader is ‘n lekker ou, en dit is almal (behalwe miskien Julius Malema, want hy glo Kersvader het te veel wit elwe, en dat hy diskrimineer teen plakkers omdat hulle nie skoorstene het nie) en jy vang die kinders, wie nog nie rook nie, maar as hulle hulle eerste pakkie sigrets gaan koop, weet jy dit gaan Lucky Strike wees.

Het jy al ooit gevoel jy mis uit op iets moerse? Ek het destyds met Titanic so gevoel. Die boot sink…….en? Maar mense het absoluut Afghan gegaan op die movie, heeltemal bos. Daar was mense wat hom drie keer gaan kyk het. Op die selfde bliksemse dag! Toe ek dit later op Mnet gekyk het, het ek vir almal gesê “Ek het julle ge-fokken sê ek gaan dit nie laaik nie”. Ek weet nou nog nie wat ek gemis het nie. Almal het aangegaan oor die tragiese liefdes verhaal, die ongelooflike getrouheid in die detail, “Hulle het tot die selfde eetgery en borde weer laat maak!” het mense vir my gesê. Vir my was dit ‘n kakkerige liefdes verhaal wat plaasvind op ‘n boot wat ek voor my siel weet gaan sink.

Facebook is nog ‘n goeie voorbeeld. Ek hou daarvan. Dit is soos ‘n hoërskool reünie wat vir ewig aanhou. Maar sonder die ’spray-tan make-overs’, grootpratery oor eie besighede en bonatuurlik begaafde kinders. Dit is great. Maar baie mense vang dit nie. Ek het ook die gevoel ek mis iets want mense hou aan vir my sê hoe vreeslik tydrowend dit is en dat hulle nie meer werk gedoen kry as gevolg van Facebook nie. Jy het of ‘n moer stadige internet konneksie of jy het wragtig geen lewe nie. As jy nie gou besef dat 99% van die ‘applications’ ‘n hoop stomende stront is nie, en elke vertraagde fokken ‘wall post’ wil beantwoord, gaan jy mos swaar kry.

Sudoku is ook ‘n moerse goeie voorbeeld. ‘n Verhoor in ‘n Aussie hof moet heeltemal oorgedoen word want van die mense in die jurie het gesit en Sudoku speel in plaas van fokken oplet soos hulle verplig is. Lees hier. Ek het al so paar games gespeel om te sien waaroor die hele ding gaan. Ek is mal oor Solitaire en oor Freecell en selfs Minesweeper het ek al ‘n ‘go’ gegee maar Sudoku voel vir my heeltemal te veel soos wiskunde. Dit is jammer dat die Sudoku gogga my nie gebyt het nie want as daar nou iets is wat so volop is soos pornografie op die internet, is dit Sudoku puzzles.

Binêre Sudoku.