Na aanleiding van die swak gehalte van die Joost video, wat dalk nou uitkenning onmoontlik gaan maak, gaan ek so bietjie van ‘n ‘how to’ gids opsit vir enige voornemende rugsteker terte wat dieselfde ding beplan.

So paar handige wenke:

1. Moenie jou kakkerige selfoon videokamera gebruik nie. Onthou jy wil vir ander mense wys presies wie jy gespyker en verlei het.
2. Hou die beligting goed, so helder as moontlik. Kom ons wees eerlik, as jy opsoek was na ‘n romantiese aand sou jy ‘n kerslig ete êrens geëet het, en dalk later die aand terug gekom het en vurige liefde gemaak het, nie ‘n ou in sy sokkies se apie suig en ‘n paar lyne ‘coke’ snuif nie.
3. Plaas die kamera sodat ons almal die vuilis se gesig kan sien, ja, die ‘van onder af boontoe’ kamera-hoek aksentueer dalk sekere dele van jou slagoffer se anatomie, maar ons stel eintlik in sy gesig belang. Bou die kamera in ‘n boks tampons in as dit moet, mans vermy daai goed soos pes.
4. Kry die stouter om sy naam te sê – Speletjies soos “Ek is (naam van slagoffer hier), en ek is ‘n seksverlaafde” of dalk ‘Die stoute verkeersoortreder wat moet pak kry’ speletjie waarin jy dan kamtig streng sê “Wat is jou volle name en ID nommer! Waar is jou lisensie skuim?!” Wees vindingryk en kreatief.
5. Noem gedurende die sessie gereeld die slagoffer se naam. As ons dan hoor “Wie de fok is Joost?” sal ons weet dat dit nie hy is nie.
6. Praat hard en duidelik oor goed wat net die slagoffer kan weet – “Wat is daai geluidjie wat Amor maak as sy ‘n orgasme bereik nouweer?” is byvoorbeeld uitstekend.

Daar het jy dit nou, 6 wenke om meer informatiewe video’s te maak as jy ‘n agterbakse, gemene meisie is met min talente behalwe apies suig en spyker.

‘n Wit ou met ‘n swart girl is mos al ou nuus of hoe? Dit is soos die vorige 7 reeks BMW, dit was interessant toe jy hom die eerste 5 keer gesien het, maar nou is dit net nog ‘n poephol wat nie sy flikker kan gebruik nie.

Ek wens iemand wil dit vir die arme ou sê wat ek Vrydag in my naaste shopping mall gesien het. Hy het vir hom ‘n heel skaflike swart girl losgeslaan en hy sou nie ‘n tweede kyk van my af gekry het nie. Die probleem was dat jy kon sien die arme ou is so ongemaklik hy kan doodgaan. Hy het so kyk op sy gesig gehad wat sê “Ek het ‘n swart meisie, daar is niks mee fout nie, hoekom moet daar fout wees?, ek is heeltemal op my gemak, ek hou haar om die lyf vas en alles is oraait, al is sy swart”. Daai gevriesde glimlag op sy gesig met die bok-in-die-hoofligte oë sou meer van pas gewees het as hy met ‘n twaalfjarige melaatse meisie in ‘n rolstoel ge-french-kiss het by ‘n kerkvergadering.

As jy so groot rassis is, hoekom kry jy ‘n swart meisie? Dit het gelyk of hy ‘n weddenskap verloor het. Ek is ‘n baie swak beoordelaar maar die ou was nie wat ek sou noem lelik nie, hy kan seker so bietjie vasbyt en soek vir ‘n meisie waarvoor hy hom nie doodskaam nie.

Siestog.

Ignatius Meintjies het hierdie foto ingestuur met die onderstaande brief.

Liewe Worsbeursie,

Ek is flippen desperaat vir ‘n ernstige verhouding met ‘n meisie.

Ek hou van stap, lees, paintball en online-poker. Ek het al die ‘online dating’ ding probeer maar ek kry net weird girls wat in moerse vuilgat en perverse aktiwiteite belangstel. Die foto is van my in my paintball onderklere, ek trek gewoonlik dan net ‘n kortbroek by aan.

Ek het toe gedink dat ordentlike, aantreklike Afrikaanse girls baie moontlik Snaaksgenoeg lees en dalk sou belangstel. As hulle net ‘n comment kan los op Snaaksgenoeg met hulle e-mail adres en dalk ‘n telefoon nommer kan jy dit mos vir my aanstuur?

Ek is opsoek na iemand wat my verstaan en my belangstellings deel. Mense lag vir my as ek dit sê maar ek is nie bang om veroordeel te word nie: Ek is ‘n maagd, en ek spaar my vir my toekomstige vrou.

Asseblief, HELP MY!

Ek sal enige boodskappe aanstuur Ignatius, maar ek wil jou tog waarsku. Daar is baie gevaarlike weirdo’s daar buite wat ‘n ordentlike ou soos jy kan misbruik, so wees versigtig.