Daar is nou groot kak oor e.tv wat nie wil sê waar om die self-erkende kriminele op te spoor wat hulle nou die dag mee gesels het nie.

Die volgende is aan Bheki Cele gerig:

Eerstens – Die media is nie daar om kriminele vas te trek nie. Hulle is daar om ons op hoogte te hou van goed. Goed soos die enorme hoeveelhede kak wat julle korrupte klomp fokkers aanjaag.  As hulle elke keer moes sê waar en hoe hulle die informasie gekry het, sal niemand met hulle praat nie, en dan gaan ons nie van al die kak uitvind nie. Dit is uiters eenvoudig.

Tweedens – Die mense by e.tv is nie Super-Ninja-C.S.I. New York-EfBiefokkenAai misdaad spesialiste nie. Jy hoef nie ‘n brein-chirurg te wees om so bietjie in taverns en taxi ranks rond te vra – “Ken jy kriminele wat wil kak aanjaag met toeriste gedurende die 2010 sokker ding?” nie. Dit gaan jou so paar lang biere kos en siedaar – informante! Jy kan nie vir e.tv kwaad wees omdat hulle gewys het hoe deur die kak jy is nie. Jy moet, in teendeel, dankbaar wees dat hulle jou gewys het hoe eenvoudig dit is. Gaan doen jy nou dieselfde ding, maar in plaas daarvan om hulle te laat gaan, soos e.tv, SLUIT DIE FOKKERS TOE! Dit is waarvoor ons jou betaal voorvel!

Nog foto’s hier.

Hier is ‘n hartseer storie van nog iemand wat geskiet is vir sy foon. Een uiterse kak ding wat gebeur as jy iets hoor wat soveel suig, is dat jy graag minder kak wil voel deur so bietjie skuld op die slagoffer te wil plaas. Almal doen dit, dit is ‘n leuen wat jy jouself vertel om minder sleg te voel oor die ding. As jy byvoorbeeld verby ‘n kar ongeluk ry, wil jy graag dink – ‘maar hulle het te bliksems vinnig gery’, of as iemand geskiet is vir ‘n foon wil jy graag dink – ‘hy het seker terug baklei of iets’. Dit is maar normale menslike gedrag, en normale menslike gedrag is maar gewoonlik onnosel. Dit is hoekom dit mens so verskriklik pla as iets met ‘n kind of hond gebeur, want wat kon die kind of hond nou gedoen het wat die hele ding so bietjie meer aanvaarbaar kan maak? En as jy nie aan iets kan dink nie, raak jy EERS die bliksem in vir die persoon wat dit gedoen het.

In die storie wat ek hierbo na verwys, is een van daai goed wat my nog so bietjie klein kry, my gat se deksel met ander woorde. Die ou se ma sê hy is geskiet vir niks nie want hulle het dan sy 4×4 Mercedes gelos, en dit maak volgens haar die hele ding so bietjie erger. Is dit regtig beter om vir jou 4×4 geskiet te word as vir ‘n selfoon of absoluut niks nie? Volgens my is die ou wat hom geskiet het net so groot fokker of hy dit vir die selfoon of die Mercedes gedoen het.

Ek hoop daar is ‘n spesiale hel vir die ouens wat die tipe goed doen, of dit nou vir ‘n selfoon of ‘n kar of watookal was. Ek hoop hulle moet sonder ooglede, vasgebind in ‘n stoel sit in ‘n kamer met die lugversorging op 1000 grade gestel, en die selfde reeks van Idols oor en oor kyk waar die deelnemers net Eden liedjies mag sing, “Honky tonk, my ou skedonk, ek’s ‘n mechanic maar ek gaan jou fonk” tot in die lengte van dae, fokkers!

Elke jaar kos kabeldiefstal Telkom en Eskom miljoene rande. Eintlik weet ons almal wie eintlik betaal vir die gesteelde kabels, en as jy kyk na die ‘performance bonuses’ wat daai poepholle kry, is dit is nie Telkom of Eskom nie.

Behalwe die geld is die hoeveelheid ongerief en verlies aan besigheid absoluut skokkend. Ek het toe bietjie gedink oor die hele ding en sommer vinnig met ‘n oplossing vorendag gekom.

As ‘n vêr-regse groep Afrikaners begin het om kragkabels te saboteur met tuisgemaakte bomme en dalk ‘n website sou hê waarin hulle verantwoordelikheid aanvaar vir die aanvalle met boodskappe soos “Swart mense verdien nie elektrisiteit nie” of “Die Here is ons krag, ons het nie die swart gevaar se vuil krag nodig nie”, sou daar, voor jy kon sê ‘white supremacist’, ‘n kommissie van ondersoek geloods word en duisende swaar gewapende polisiemanne wees wat moontlike teikens patrolleer. Die fokkers wat die kabels steel het presies dieselfde effek wat hierdie veronderstelde ekstremiste sou hê maar die verskil is dat die regering nie net sou sit en fokol doen as dit die geval was nie.

Ek is seker die tegnikuste wat vir Telkom en Eskom werk kom eerste op die misdaad tonele. As ek Telkom of Eskom was, sou ek by elke misdaad toneel ‘n plakaat opplak met die nodige vêr regse slagspreuke ens. Ek sou dan elke nou en dan ‘n selfoon-video laat uitlek op Youtube waar een of ander bebaarde Eugene Terblanche ‘look-alike’ ‘n langdradige en erg ekstremistiese toespraak lewer oor hoekom hulle juis krag en telefoon kabels teiken. Ek het selfs ‘n heel skaflike voostelling vir hulle gemaak wat hulle kan gebruik. As daai foto nie sê ‘terroris’ en ‘Afrikaner’ nie, dan weet ek nie.

Nou sou jy dalk sê “Maar Worsbeursie, dit is krimineel en oneerlik!”. Al wat ek daarop kan antwoord is, jy het duidelik nog nie na jou Telkom of Water-en-ligte rekening gekyk nie, ‘krimineel en oneerlik’ is basies Telkom en Eskom se leuse.

As ek ‘n G6 selfaangedrewe kanon by die weermag sou steel en ‘n hele weeshuis se kinders ontvoer, vasmaak aan die G6 as gyselaars en die parlement gebou aanval in ‘n tipe van ‘n een man staatsgreep, sou ek skuldig wees aan gewapende roof/diefstal, hoogverraad, ontvoering, moord, beskadiging van staatseiendom,  en die bestuur van ‘n swaar voertuig sonder die nodige lisensie.

Die hof sou later beslis dat my dade voorbedag was en van so ‘n onmenslike en wrede aard dat ek geen genade kan verwag nie. Ek sou egter nie die doodstraf kry nie. Die staat ag my lewe as gewetenlose fokker so kosbaar dat dit nie van my ontneem mag word nie.

Snaaksgenoeg, as ek ‘n fetus jonger as 12 weke is, wie se enigste misdaad was dat ek my ma naar gemaak het en my pa se sekslewe in die wiele gery het, het ek geen reg op lewe nie. In teendeel, die staat sal my ma help om van my ontslae te raak.

Ek het so tien jaar terug, heel selfvoldaan, gesê dat die 60’s modes ‘n ‘comeback’ gemaak het, die 70’s het maar not te donner sal die aaklige 80’s ooit weer sy verskyning maak nie. “Die klere was heeltemal te ‘way out’ en mans is nou al heeltemal te bang om gay te lyk” het ek gesê. Kyk bietjie na hierdie versameling 80’s stront.

Nou sien ek al hoe meer shoulderpads, breë koper gespe ‘belts’, en kak haarstyle. So waar as wragtig, daar is mense wat aan 80’s mode kan dink sonder om hulle dood te skaam oor ‘Gypsies’ met wit sokkies en stywe ge-’snow wash’-de denims.

Dan moet daar mense wees wat deur ‘n hele Duran Duran musiek video kan kyk sonder om kanale te verander.

Jy sal in daai link wat ek gegee het sien dat van die foto’s regte 80’s goed is, maar daar is ontstellend baie nuwe foto’s daar.

Die probleem is nou dat ek graag ‘n petisie sou wou begin maar mode is net nie so maklik nie. Dit is soos misdaad. Jy vat ‘n paar ‘paperclips’ by die werk, maak ‘gratis’ kopieë vir jou kinders se take en as jy weer sien staan jy met ‘n AK-47 bo-op ‘n Fidelity Guards lorrie besig om petrol op hom uit te gooi.

Al wat ek kan doen is om nou, hier, offisieel te sê, ek maak beswaar! Asseblief, spaar ons van die groot oorbelle, hare en mans met grimering!