As jy die Beeld se hoofopskrif op Vrydag gelees het sou jy kon glo dat daar geen aardbewings of ‘n gebliksem en vermoor van jumpalofense (onwettige en nie so onwettige immigrante) in hierdie wêreld gebeur het nie.

Ek is seker duisende kriminele het daai opskrif gesien en tot die besef gekom dat hulle ‘n skrywer ontstel het en dadelik hulle vuurwapens, messe en penisse weggebêre het en beloof het om nooit weer terug te keer na hulle ou lewens van misdaad nie.

Ek het nog nie, en gaan ook nie, uitvind wie hierdie skrywer is wat so ‘uitgevaar het teen misdaad’ nie. Wie gee ‘n fok om? Iemand wat nou nog kla oor misdaad is soos daai bliksem, wat ons almal ken, wat vir die 500ste keer op ‘n warm dag, vir almal wat kan hoor, sê: “Sjoe, maar dit is darem warm hè?”. Waarop iemand uiteindelik antwoord:”Ja! Ge-fokken-noeg nou, ons almal weet dit is bliksems warm! Die feit dat jy dit noem herinner ons net daaraan, en help net mooi fokol!”

Miskien het hy daai gesegde ‘The pen is mightier than the sword’ kop toe gevat. Al wanneer daai een waar is, is as dit James Bond se pen is en hy is eintlik een van daai anti-personeel myne, of hy kry vinne en word ‘n klein missiel. Anders sou jy al in ‘n fliek gehoor het “Staan doodstil of ek skryf jou faktap!” of “Plaas die geld in waterdigte sakke in die fontein in die middel van die stadsplein om presies 14H15. En kom alleen, as ons agterkom jy het die varke laat weet skryf ons die kak uit haar uit!”

Opskrifte hier gekry.

Ek weet nie of hierdie storie, oor ‘n Maleisiese skelm wat eers so rukkie wou lepel lê by die vrou wat hy besteel het, my ontstel of nie.

Aan die een kant haat ek fokken skelms en enige storie oor misdaad maak my kwaad. Maar hierdie storie het soveel vrae onbeantwoord gelaat.

Die skelm het blykbaar die huis in die nag besteel en toe hy sien die man slaap op die bank, het hy sy kans gesien en kaalgat agter haar in die bed gaan lepel. Natuurlik in die hoop dat sy sou dink dit is haar man wat kom inkruip.

Nou wonder ek, as ‘n man op die bank slaap is daar gewoonlik ‘n goeie rede. Sy vrou is die bliksem in vir hom! Ek weet nie of hulle in Maleisië dalk nog nooit gehoor het van Lorraine Bobbitt nie, maar jy gaan kruip nie kaal agter ‘n kwaai vrou in nie, al is sy jou eie!

Dit wys jou ook net hoe vreeslik mans en vrouens verskil. Die vrou het dadelik ‘n groot geraas gemaak wat die skelm laat vlug het. Wys vir my ‘n man wat eers sal gil as hy ‘n vrou agter hom in die bed kry voordat hy gekyk het of sy darem iets vir die oog is of nie.

Die verskil tussen Lorraine Bobbitt en die weerman? As Lorraine Bobbitt sê daar gan 6 duim val dan gaan daar 6 duim val!