Gaan lees hierdie tragiese verhaal.

Lees veral die kommentaar op die artikel. 99% van hulle hou nie van fietsryers nie, en glo hulle ry soos bobbejane. So 10% van hulle klink eintlik sommer net moorddadig.

Paar goed wat my opgeval het was 1. Die twee middelste fietsryers is getref deur ‘n lorrie. Hoe bliksems vêr het hierdie ouens van mekaar af gery? As ‘n lorrie deur jou groepie fietsryers kan ry en net twee tref, moet jy dit dalk oorweeg om FOKKEN AGTER MEKAAR TE RY! 2. Die artikel se opskrif is dat fietsryers vrees vir hulle lewens. Dit is onwaar. Die fietsryers wat ek op die pad teekom het volgens my die idee dat ‘n swaar gepantserde Sherman tenk homself in sy moer in sal ry as hy volspoed in hulle vasjaag. Jy sal net parte, wiele en bearings sien spat.

Ek is nou eintlik al uitgepraat oor die stront. Hulle gaan nie leer nie, en die fietsryers wat wel soos grootmense die pad gebruik sal na ‘n ruk die enigste outjies op die pad wees. Ek deel met die grootste graagte met daai ouens die pad.

Ek praat nou van die vliegtuig wat meesterlik in die Hudson rivier ‘geland‘ is.

Hier is hulle nou besig om die ding uit die rivier te probeer haal.

Ek het ‘n probleem met die volgende stelling in daai tweede artikel:

“He was widely praised for his skill in bringing down the stricken plane after both engines failed when birds apparently flew into them”.

As jy daai lyn lees, klink dit amper of gewetenlose, Al-Qaeda selfmoord voëls (cruising spoed 60km/h) ‘n passasiers vliegtuig (cruising spoed 800 km/h en op) uitgesoek het en in sy enjins ingevlieg het.

Dit is ‘n onverantwoordelike ding om te doen, want ons almal weet wat met Irak gebeur het na die VSA aangeval is, en hulle was nie eers betrokke nie. Hulle enigste fout was die hoeveelheid olie waarmee hulle ‘geseën’ is. Gelukkig is George W Bush oppad uit want hy sou seker graag een of ander voëlpark in Alaska in sy moer in wou blaas.

Ek het so ruk terug gesê hoe min tyd ek het vir bootmense. Hulle is die ergste tipe tappets, naamlik tappits met geld.

Jy moes nou al gehoor het van die ongeluk op die Vaalrivier waar ‘n dom dronk bootpoephol in een van daai ‘barges’ vas gery het wat mense gebruik vir maatskappy ’sundowner cruises’ of meer akkuraat ‘booze cruizes’. Toe ek die eerste daarvan gehoor het, het ek gesê “Daai drol was dronk”. My eerste leidraad was dat hy in ‘n ‘barge’ vasgejaag het, wat amper is soos om uit ‘n boom uit te val en die grond te mis. Daai goed beweeg donders stadig en is omtrent so groot soos ‘n Putco bus. My tweede leidraad dat hy gesuip was, is die feit dat hy ‘n bootmens is, hulle is altyd gesuip.

Hy sit nou in die tjoekie en wag vir sy eerste hofverskyning.

Die groot jammerte is dat ek weet die dom bliksem nie regtig weet wat hy verkeerd gedoen het nie. Hy is amper vir seker die tipe ou wie se verskoning vir alles is “Mar ek was gesuip!”

Aanklaer: “Mnr Visser, ek stel dit aan  u dat u met roekelose nalatigheid, u motorboot, onder die invloed van drank, in ‘n vlot vasgejaag het en die dood van Mnr Moreira veroorsaak het. Wat antwoord jy hierop?”

Bootpoephol: “Maar ek was gesuip! Vra my tjomme, ek het al op ‘n vol bottel brannas en sewe Savanna’s getrek!”

Gaan loer gou hier.

Ek het nou die dag ‘n nuwe woord geleer, ’schadenfreude’. Dit is ‘n duitse woord, wat aanvaarbaar in Engels en Afrikaans gebruik kan word wat beteken ‘om vreugde uit ‘n ander se ongeluk te put’. Ek het soveel schadenfreude as ek na hierdie foto’s kyk dat ek lighoofdig raak.

Daar is ‘n ouderdom waar jy tot die besef kom dat jy enigiets wat jy wil kan aanjaag agter ‘n stuurwiel, solank jy dit moer stadig doen. Of dit ‘n U-draai op ‘n hoofweg is, of bane wissel sonder flikkers of selfs van die oprit van ‘n hoofweg af reguit in die middelbaan in beweeg. Ek vermoed daai ouderdom is so 70. Maar dit verskil van persoon tot persoon, want die 80 jarige heks wat vanoggend voor my in gery het met ‘n sigaret in een hand was gefokus genoeg om, met die ander hand, aan te dui dat sy nie my toeter waardeer nie.

Ek neem aan dat die gedagte in die bejaarde waaghals se kop is ‘Hulle het mos beter oë, reflekse en brieke as ek’. Wat dalk sin maak, want ek sien hulle baie min in regte ongelukke. Amper-amper agt kar ketting botsings sien ek baie, maar nooit ‘n ‘genuine’ ongeluk nie. Wat ek wel sien is jong mans van so 20 jaar oud wat langs hulle wrakke staan en versekerings details uitruil.

Nog ‘n ding is ou mense se onverklaarbare verslaafdheid aan die middel baan van ‘n hoofweg. Hulle klim op die hoofweg en ry reguit na daai oase wat die middel baan is. Met determinasie wat lyk na selfmoord neigings soek hulle daai middel baan uit, en bly in hom en ry 80 km/h ‘come hell or high water’. Al wat hulle uit daai baan uit kan kry is kern-oorlog of hulle afrit.

Moet ook nie vir my probeer sê daai flikker wat vir 40 km vêr aan bly is vergeetagtigheid nie. Dit is om die mense rondom hulle op hulle tone te hou. ‘Gaan hy draai? Gaan hy nie draai nie? Het hy vergeet of het hy dalk ‘n hartaanval agter die stuur gehad en sy wheel allignment is net blerrie goed?’