Een groot vrees wat Afrikaners het (behalwe misdaad en haarverlies) is om kommin te wees.

Ek is baie uitgesproke oor daai kak “Stoutgat rugby sokkie treffers volume 18″ albums met die spot prentjie omslae. En ek het al ‘n paar keer so gesê waarop iemand in die geselskap sê “Ja, kyk, ek het twee van hulle maar ek sit dit net op vir die atmosfeer”. Pleks daarvan om te sê “Hey! Ek laaik daai goed, jy het net kak smaak!” Dit is daai diep vrees vir kommin wees wat praat. ‘n Haarkapper het so ruk terug my hare in wat amper kan beskryf word as ‘n mullet gesny. Ek was so donders selfbewus. Nie omdat ek besonder kak gelyk het nie (die poepholle met die nuwe ‘kokkewiet’ haarstyl wat so in die middel opstaan het my loshande geklop) maar as gevolg van die vrees dat mense my sou aansien vir ‘n tou-trok drywer.

Ons is almal maar ‘n bietjie kommin. Sommige van ons luister so bietjie Robbie Clay as ons alleen is (nie fokken ek nie!) en sommige van ons het al by die drankwinkel ingestap met ‘n rugby kortbroek en plakkies na ons die gras gesny het.

Dit is dalk hierdie vrees wat ons so bietjie in lyn hou. Ek hoop nie dit gaan weg nie. Die dag as jy nie meer skaam is om ‘n mullet te dra nie en Robbie Clay of daai bliksemse Pampoen song van Steve kliphard laat oets oets op jou kar se sound is die dag wat ons moet oppak en huis toe gaan.

Maak ‘n punt daarvan om elke nou en dan Jan Blohm, Valiant Swart, Koos Kombuis of Koos du Plessis te luister. Onthou jy is ‘n lopende advertensie vir Afrikaners. Moenie ons naam gat maak nie.

Frans Ludeke het kaal foto’s van iemand hoog op in die Bulls bestuur se suster, of dalk ma en dryg om dit op die net vry te stel. Ek het ‘n vermoede hulle is baie skurf. Dit is al manier waarop daai ou nog sy job kan hê.

Die finale leidraad was toe hulle 7 games in ‘n ry verloor het en die Bulle se bestuur gesê het: “Ons is tot dusver gelukkig met Frans”. Waddefok? Ek dink as jy mooi gekyk het sou jy die sweet op hulle voorkoppe kon sien met Frans in die agtergrond wat op sy hempsak met die foto’s in tik en skelm knipoog vir Barend van Graan.

Die ander alternatief is dat die hele Bulls bestuur op swaar gewoontevormende dwelms is. Iets soos ‘n tik pyp getrek deur dagga deurweekte sokkies*.

Hoe het hulle gedink gaan die hele ding uitdraai? “Haai, ek weet van ‘n ou wat uitstekende talent kan laat rugby speel soos Putsonderwater se onder 14 meisies waterpolo span! Hy het in 2006 se Super 14 net twee games gewen uit 13! Kom ons kry hom!” WADDEFOK!?

Ons moet almal styf duim vashou vir die Bulle. Steve Hofmeyer se musiek loopbaan en Doctor Hlatswayo se na-maaksel rugby-trui besigheid (h/v N1 en William Nicol) hang daarvan af.

*Moenie die tik pyp metode probeer nie. Dit gaan jou van ‘n kant af opfok en ek het nie geld vir die regskostes nie. Eintlik moet jy geen metode van tik probeer nie. Hoeveel (behalwe die parlement) suksesvolle tik rokers ken jy? Los daai kak vir die Souswurms, Americans en ander Cape Flats gangs.