Die Metro polisie (professionele wegkruipertjie spelers van die staat) het, as jy nou nog nie gehoor het nie, groot kak aangejaag in Jo’burg. Hulle het so staking/afdag/kak-aanjaag sessie gehad waar hulle verkeer op die M2 hoofweg geblokkeer het. Toe die polisie (die genuine polisie, nie die blygemaakte spietkop dose nie) hulle kom wegjaag, ontaard dit toe in ‘n skietery. Die polisie met rubber koeëls en die spietkops hoerkinders met lewendige ‘ammo’.

Toe iemand vir Vincent Vena vra “Nou van van die misdaad?” antwoord hy volgens die Star koerant “Nobody will die on the road if traffic officers are not there” en “Whether we are on the streets or not, it won’t deter criminals from their wrongdoings”. Wat ek sê is, pre-fokken-sies! As julle dan geen effek het en duidelik nie gemis gaan word nie, hoekom fire ons nie die laaste een van julle useless bliksems sommer dadelik en spaar ‘n groot klomp geld, tyd, lewens en Prozac nie?

Daar is dalk ‘n enkele spietkop hier en daar wat sy werk doen, maar die donder weet, hulle is skaars. So skaars soos ‘n intelligente Mugabe aanhanger of nugter blou-bul ondersteuner op ‘n Saterdag middag.

“Ma, kan prostitute babas hê?”

“Natuurlik my seun. Waar dink jy kom spietkops vandaan?”

Dit is natuurlik ‘n grap.

Ons almal weet prostitute se kinders word almal prokureurs en politikusse.

Wat ek eintlik oor wil kla is blerrie boetes! Dit is die mees onregverdige bliksemse stelsel in hierdie land van ons. Oraait miskien nie, maar hy is moer hoog op die lys.

My probleem daarmee is dat daar ryk bliksems is wat net mooi fokol omgee hoe vinnig hulle ry nie want hulle sien nooit eers die blerrie boete nie. Hulle het ‘n persoonlike assistent met lekker bene en kort rokkies wat teken regte het op die tjekboek, en nie eers die baas meer pla met sulke onbenullighede nie.

R1000 boete vir daai ou beteken minder as om te stem in Zim, maar ‘n R1000 boete vir my is blerrie taai man!

Hier is my voorstel:

Ons vervang alle verkeersboetes met lyfstraf. As jy gevang word kak aanjaag dan sak jy vir ses! Verkeersbeamptes sal ‘n rottang in hulle kattebak rondry en opgelei wees in lyfstraf tegniek. Die straf sal onmiddelik toegedien word met die beskuldigde wat buk oor die verkeersbeampte se enjinkap.

Ek sal versigtig wees hoe en waar ek ry, maar ek sal my pak vat soos ‘n man. Wat ek nie kan wag om te sien nie is daai ryk windgat drol in sy Pajero/Hummer wat met sy baadjie opgetrek langs die pad staan. Gebuk oor die spietkop se kar wag hy vir die eerste van daai ses rottang houe. Man! Dit is genoeg om my hoendervleis te gee.

Die dag wat daai wet deur die boeke is word ek ‘n spietkop!

Die helikopter is hier gekry.