Die tydskrifte soos Heat en Huisgenoot, het die afgelope jaar permanente semi-ereksies. Waar het jy nou al ooit sulke sappige, sexy, kom-hier-jou-lekker-ding stories soos Joost, Jurie, Robbie Clay en Steve Hofmeyr gekry?

Weet jy waar kom die hele kinkel in die kabel in? Weet jy hoekom is hierdie stories sensasioneel? Ek sal jou sê hoekom: Ons maak van normale mense, en sub-normale mense, iets meer as wat hulle is. Hoekom sal enigiemand enige waarde heg aan iets wat Tom Cruise sê byvoorbeeld? Hy is ‘n mens, wat maak of hy ander mense is, vir geld. Hulle (die mense wie hy naboots) is soms interessante mense, soms intelligent, soms nie (dink bietjie aan Maverick van Top Gun), maar HY MAAK NET OF HY DAAI MENS IS! Mens noem dit toneelspel, dit is wat akteurs doen. Op een of ander manier, kom daar ‘n kortsluiting in die gemiddelde mens se brein, wat maak dat hy dink “Ek ken daai ou se gesig, dus moet hy belangrik en slim wees, ek moet luister wat hy sê. Ek sal nogal cool lyk in so v-nek trui soos syne”.

In Joost se geval sou ek die hele konsternasie verstaan het as hy bekend geraak het as ‘n pastoor, of vir sy humanitêre werk in Darfur of iets. Ons het, soos gewoonlik, iemand wat rugby verstaan, en ongelooflike instink het vir die spel, begin aansien vir ‘n ongelooflike mens, en die twee het fokol met mekaar te doen nie.

Dit slaan my stom dat mense nog geskok kan wees oor die kak wat Steve Hofmeyr aanjaag. Na die eerste paar buite-egtelike kinders sou mens dink dat die boodskap sou begin in sink. Steve lyk vir my na ‘n intelligente mens, en sy album verkope dui op talent, maar hy is duidelik nutteloos as dit kom by monogamie. Die frustrerende ding is, as Steve ‘n boek sou skryf genaamd Die Huwelik: Steve deel sy geheime vir geluk, sou die boek uitstekend verkoop. Dit is eenvoudig vir mense onmoontlik om Steve se musiek te luister, maar ‘n dowe te gooi vir enige opinies wat hy het oor onderwerpe waarvan hy duidelik fokol weet nie.

Die gemiddelde mens is net te deur die kak om die onderskeid te tref tussen ‘bekend’ en ‘iemand wie se opinie belangrik is’.

Ek het gister met ‘n groep meisies gesels en op ‘n manier begin ons oor Steve Hofmeyr praat. Ek sê toe hoe irriteer daai Pampoen song my. Ek het darem bygelas ek weet dat ek die enigste Afrikaanssprekende is wat dink die liedjie blaas, groot tyd.

Hulle almal se konsensus was, “Jy is net jaloers”. Ek het natuurlik geantwoord met “WAT?! Jaloers op Steve Hofmeyr?”

Maar ek het nou lank daaroor gedink en hulle mag dalk reg wees. Hier is ‘n ou wat baie ouens se droom lewe lei, met roem en ‘n vreesaanjaende hoeveelheid onbeskermde seks (alhoewel hy sê hy is nou klaar met dit). Hy het al ernstig kak aangejaag soos jy blykbaar nou kan lees in sy outobiografie. Hy het nie VIGS nie, sy vrou het hom nie gelos nie (al was dit amper amper) en as jy iets verkeerd van hom sê voor ‘n groep meisies dink hulle jy is die vark in die verhaal.

Miskien is ek so bietjie jaloers. Ek sal net so 15% van die kak wil aanjaag wat hy het en met soveel styl wegkom daarmee.

Daai boek gaan bliksems baie kopieë verkoop.

Steve is beter julle! Hierbo is ‘n genuine foto van sy dikderm! As julle hand getekende kopieë wil hê kyk uit op e-bay.

Sy familie wil nie bekend maak in watter hospitaal hy is nie.

Hy is in die Wilgeheuwel hospitaal, saal C14, let op die koffie winkel net voor jy by die saal inloop. So selfs al loop jy dalk nie vir Steve raak nie, koop ‘n koffie en sê asseblief dat Snaaksgenoeg.co.za jou verwys het.

Ek hoop natuurlik dat elke dom drol wat die bogenoemde lees so bliksems opgewonde sal wees dat hy sy handsak gryp en hardloop vir die deur. Die koffie winkel gee my kommissie op elke koffie wat ek ‘verkoop’. ‘n Klomp 20 sente is ook geld.

Net so terloops as jy gewonder het wat de donder ‘n ‘Geperforeerde Dikderm’ is gaan kyk hier.